love you

#Sponsor Link Tilter
#Sponsor Link Tilter

حب في حب
ذكرياتي معاك بدأت بصرخه
يوم مانزلت من بطن امي الكل دارت عليهم الفرحه 
 والناس من سعادتها تسمي بسم الله ما شاء الله
عشان شكلي كان يفِرِح ويوم مادخلت اولي ابتدائي
واول صحاب عرفتهم وأول واحد من اعدائي 
وأول ناس صاحبتهم آه فاكر استاذ العربي
وفاكر رنه الخرزانه وفاكر ضحكه ليها نخبي 
وايدينا بالسندوتشات مليانه طب فاكر انت الشنطه بتاعتي 
كان عليها رسمه ايه فاكر كتبك اللي شلتها عندي 
ولا قلمي اللي كتبت بيه لما اروح بيتنا واقول
لأمي انا نحجت ف الاملا وافطر معاها دايما فول
والسعاده اللي لقلبي تملا فاكر يوم ما لعبنا كوره
 ساعه ما جبت فيا الجون
فاكر كلمه يا شاطوره فاكر زيملتنا الاموره
ولعبه الظابط والمسجون وأول موبايل اشتريته
لما فضلنا نلعب فيه وأول مره سبتني فيها
 لما سافرت للمصيف وانا افضل الليالي اعد فيها
ولما قابلتك بعد غياب وحضن بينّا عشان صحاب
وأول مره فيها نعيط لما فرّقنا الاغراب
ف ماتش كوره واتخانقنا ولحد الصلح شوفنا العذاب
فاكر يوم ما حبيت وجيت عليا وانت بتجري
وقلت بضحكه انا طبيت وغنيتلك كان بدري عليك عليك بدري
 ولما ضحكنا ع الألشه اللي قالها مدرس الكيما
 لما شكيتله المذاكره صاعبه قالك بالراحه اصلها حاميه
فاكر حضن وقت لقانا ولما بكينا واحنا حزانا
 وافتكرنا جدتنا المرحومه يوم مافرقتنا وسابت الحياه
 وصرخه قلبنا المكتومه تدعي ارحمها يا الله
 فاكر عربيه الفول والطعميه ولما كلت عندكو باميه
ويوم ما فضلت انام عندك نذاكر ومن قلبنا نضحك
 وفاكر زنقه الامتحانات وخناقنا علي الاجابات
يوم ما ظهرلنا التنسيق وعرفنا ان الكل خد خوازيق
 وبيكنا بردو انت وانا عشان ضاع مننا حلمنا
 ياريتك فاكر يا صديقي ذكريات متتنسيش
بفتركها ف وقت ضيقي ولحد دلوقتي عليها بعيش

0 التعليقات:

Post a Comment